EN
УДИРДАХ БҮРЭЛДЭХҮҮНИЙ СУРГАЛТ ЗОХИОН БАЙГУУЛЛАА
УДИРДАХ БҮРЭЛДЭХҮҮНИЙ СУРГАЛТ ЗОХИОН БАЙГУУЛЛАА
Сүхбаатар дүүргийн хэмжээнд гамшгаас хамгаалах үйл ажиллагааг бэхжүүлэх, гамшигт үзэгдэл тохиолдсон үед иргэдэд яаралтай тусламж үзүүлэн төрийн үйлчилгээг түргэн шуурхай хүргэх мөн хор уршгийг арилгах, болзошгүй гамшиг осол, аюулт үзэгдлээс урьдчилан сэргийлэх чиглэлээр иргэн, аж ахуй нэгж байгууллагуудад мэдлэг олгох сургалтыг үе шаттай зохион байгуулдаг. Энэ дагуу өчигдөр дүүргийн Онцгой комиссын удирдах бүрэлдэхүүн ээлжит сургалтад хамрагдав. Удирдах бүрэлдэхүүний сургалтыг нээж дүүргийн Засаг дарга, Онцгой комиссын дарга М.Алтангэрэл “Гамшгаас хамгаалах материаллаг баазыг бэхжүүлэх, орон нутгийн түвшиндээ болзошгүй эрсдэлээс урьдчилан сэргийлэхэд зориулж, сүүлийн 3 жилд дүүргийн төсвийн 1.5 тэрбум төгрөгийн хөрөнгө оруулалтаар ус зайлуулах өндөр хүчин чадал бүхий насос, мотопомп, гэрэлт цамхаг, зөөврийн цахилгаан үүсгүүр зэрэг нэн шаардлагатай багаж, тоног төхөөрөмж авсан. Энэ бол гамшигт үзэгдэл гарсан тохиолдолд хор уршгийг богино хугацаанд хурдан шуурхай арилгахад үр дүнгээ өгч буй бодит хөрөнгө оруулалт” гэдгийг онцлов. ОБЕГ-ын харьяа 116 дугаар ангийн захирагч, бригадын генерал Б.Ууганбаяр “Удирдлагын менежмент”, ОБЕГ-ын ажиллагааны удирдлагын газрын дарга, хурандаа А.Дашням “Гамшгаас хамгаалах хууль тогтоомжийн хэрэгжилт”, “Ослын үеийн удирдлагын тогтолцоо”, Нийслэлийн Онцгой комиссын нарийн бичгийн дарга, хурандаа Д.Оюунбат “Онцгой комиссын үйл ажиллагаа” сэдвийн хүрээнд гамшгаас хамгаалахад орон нутгийн удирдлагын баг хэрхэн хамтран ажиллах талаар мэргэжил, арга зүйн зөвлөгөө мэдээлэл өгсөн юм. Мөн энэ үеэр Сүхбаатар дүүргийн Онцгой байдлын хэлтсийн дарга, хурандаа Д.Бэхбаяр “Дүүргийн хэмжээнд гарсан гамшиг осол, аюулт үзэгдэл, гал түймрийн нөхцөл байдал”-ын талаар комиссын гишүүдэд танилцуулав. Сургалтын дараа Онцгой комиссын гишүүд халиа тошин, шар усны үер үүссэн байршлуудын нөхцөл байдалтай танилцаж, газар дээр нь ажиллалаа.
Сүхбаатар дүүргийн хэмжээнд гамшгаас хамгаалах үйл ажиллагааг бэхжүүлэх, гамшигт үзэгдэл тохиолдсон үед иргэдэд яаралтай тусламж үзүүлэн төрийн үйлчилгээг түргэн шуурхай хүргэх мөн хор уршгийг арилгах, болзошгүй гамшиг осол, аюулт үзэгдлээс урьдчилан сэргийлэх чиглэлээр иргэн, аж ахуй нэгж байгууллагуудад мэдлэг олгох сургалтыг үе шаттай зохион байгуулдаг. Энэ дагуу өчигдөр дүүргийн Онцгой комиссын удирдах бүрэлдэхүүн ээлжит сургалтад хамрагдав. Удирдах бүрэлдэхүүний сургалтыг нээж дүүргийн Засаг дарга, Онцгой комиссын дарга М.Алтангэрэл “Гамшгаас хамгаалах материаллаг баазыг бэхжүүлэх, орон нутгийн түвшиндээ болзошгүй эрсдэлээс урьдчилан сэргийлэхэд зориулж, сүүлийн 3 жилд дүүргийн төсвийн 1.5 тэрбум төгрөгийн хөрөнгө оруулалтаар ус зайлуулах өндөр хүчин чадал бүхий насос, мотопомп, гэрэлт цамхаг, зөөврийн цахилгаан үүсгүүр зэрэг нэн шаардлагатай багаж, тоног төхөөрөмж авсан. Энэ бол гамшигт үзэгдэл гарсан тохиолдолд хор уршгийг богино хугацаанд хурдан шуурхай арилгахад үр дүнгээ өгч буй бодит хөрөнгө оруулалт” гэдгийг онцлов. ОБЕГ-ын харьяа 116 дугаар ангийн захирагч, бригадын генерал Б.Ууганбаяр “Удирдлагын менежмент”, ОБЕГ-ын ажиллагааны удирдлагын газрын дарга, хурандаа А.Дашням “Гамшгаас хамгаалах хууль тогтоомжийн хэрэгжилт”, “Ослын үеийн удирдлагын тогтолцоо”, Нийслэлийн Онцгой комиссын нарийн бичгийн дарга, хурандаа Д.Оюунбат “Онцгой комиссын үйл ажиллагаа” сэдвийн хүрээнд гамшгаас хамгаалахад орон нутгийн удирдлагын баг хэрхэн хамтран ажиллах талаар мэргэжил, арга зүйн зөвлөгөө мэдээлэл өгсөн юм. Мөн энэ үеэр Сүхбаатар дүүргийн Онцгой байдлын хэлтсийн дарга, хурандаа Д.Бэхбаяр “Дүүргийн хэмжээнд гарсан гамшиг осол, аюулт үзэгдэл, гал түймрийн нөхцөл байдал”-ын талаар комиссын гишүүдэд танилцуулав. Сургалтын дараа Онцгой комиссын гишүүд халиа тошин, шар усны үер үүссэн байршлуудын нөхцөл байдалтай танилцаж, газар дээр нь ажиллалаа.
