EN
МОНГОЛ БИЧГИЙН ЭХНИЙ ЭЭЛЖИЙН СУРГАЛТУУД ӨНДӨРЛӨВ
Монгол Улсын Хэлний бодлогын зөвлөлийн шийдвэрээр нийслэлийн нутгийн захиргааны байгууллагын төрийн албан хаагчдыг монгол бичгийн сургалтад үе шаттайгаар хамруулж байгаа. Сүхбаатар дүүргийн Засаг даргын Тамгын газраас албан хаагчдынхаа монгол бичгийн мэдлэгийг дээшлүүлэх, хуулийн хэрэгжилтийг хангах ажлыг эрчимжүүлэхээр анхан, дунд шатны сургалтыг зохион байгуулж байгаа. Энэ удаа эхний ээлжийн анхан, дунд шатны сургалт хөтөлбөрийн дагуу явагдаж албан хаагчид сертификаа гардан авлаа.
Энэхүү сургалт нь Монгол хэлний тухай хууль, Монгол бичгийн үндэсний хөтөлбөрийн хэрэгжилтийг хангах ажлын хүрээнд зохион байгуулагдаж байгаа бөгөөд 2025 оноос төрийн албан хэргийг кирил болон монгол бичгээр хөтлөн явуулах цаашид бүх нийтээр монгол бичигт шилжих арга хэмжээний бэлтгэл болж байгаа юм. Сургалт дараагийн ээлжийн албан хаагчдад зориулан үргэлжилж байна.
