Спиртийн өндөр болон сул агууламжтай
согтууруулах ундаа худалдах түүгээр үйлчлэх
тусгай зөвшөөрөл олгох, хүчингүй болгох тухай

          Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1 дэх хэсэг, Зөвшөөрлийн тухай хуулийн 5.3 дугаар зүйл, 6.2 дугаар зүйлийн 1.1 дэх заалт, Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн 151 дүгээр зүйл, 18 дугаар зүйл 18.1.2 дахь заалт, Улсын тэмдэгтийн хураамжийн тухай хуулийн 35 дугаар зүйлийн 35.2.1, 35.2.2, 35.2.3 дахь заалт, нийслэлийн Засаг даргын 2023 оны 07 дугаар сарын 28-ны өдрийн “Нийслэлийн нутаг дэвсгэрт худалдаа, үйлчилгээний байгууллагуудын ажиллах цагийн хязгаар шинэчлэн тогтоох тухай” А/847 дугаар захирамж, 2024 оны 03 дугаар сарын 01-ний өдрийн “Эрх шилжүүлэх тухай” А/219 дүгээр захирамжийг тус тус үндэслэн ЗАХИРАМЖЛАХ нь:

        1.Хоол үйлдвэрлэл үйлчилгээний газрын стандартын шаардлагыг хангаж спиртийн өндөр болон сул агууламжтай согтууруулах ундаагаар үйлчлэх тусгай зөвшөөрөл олгох 2 аж ахуйн нэгжийн жагсаалтыг нэгдүгээр, спиртийн сул агууламжтай согтууруулах ундаагаар үйлчлэх тусгай зөвшөөрөл олгох 1 аж ахуйн нэгжийн жагсаалтыг хоёрдугаар хавсралтаар тус тус баталсугай.

             2.Аж ахуйн нэгжийн хүсэлтээр тусгай зөвшөөрлийг хүчингүй болгох хоол үйлдвэрлэлийн 1 аж ахуйн нэгжийн жагсаалтыг гуравдугаар хавсралтаар баталсугай.

             3.Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн хэрэгжилтийг хангуулж ажиллахыг Хүнс, худалдаа, үйлчилгээний хэлтсийн даргын албан үүргийн түр орлон гүйцэтгэгч (Д.Цэрэнпүрэв)-т, хяналт тавьж ажиллахыг Цагдаагийн газар (Г.Давааням)-т, Татварын хэлтэс (Б.Баатар)-т, хороодын Засаг дарга нарт тус тус үүрэг болгосугай.

             4.Захирамжийн хэрэгжилтэд хяналт тавьж, удирдлага арга зүйгээр хангаж ажиллахыг Дүүргийн менежер (Э.Чинзориг)-т даалгасугай.

 

 
 ЗАСАГ ДАРГА                                       М.АЛТАНГЭРЭЛ