Байршил: СБДүүрэг 7-р хороо 11-р хороолол Эрхүүгийн гудамж
Харилцах утас: Хөдөлмөрийн алба 350574
Ресепшин 350575
Хүний хөгжил сангийн нятлан 350576
Дарга 350577

1993 оны 10-р сард Сүхбаатар дүүргийн Нийгмийн даатгалын хэлтсийн харьяа халамжийн үйлчилгээний төв гэж байгуулагдаад, 1995 оны 7 дугаар сараас Нийгмийн даатгалын хэлтсийн дэргэд ажиллаж байсан.
1997 оны 3-р сараас эхлэн дүүргийн Засаг даргын дэргэдэх Нийгмийн халамж үйлчилгээний төв болон зохион байгуулагдан ажиллаж байсан.
Сүхбаатар дүүргийн Хөдөлмөр, халамжийн үйлчилгээний хэлтэс нь Нийгмийн хамгаалал, хөдөлмөрийн сайдын 2004 оны 12-р сарын 03-ны өдрийн 175 тоот тушаалаар Хөдөлмөр эрхлэлтийн алба, Нийгмийн халамж үйлчилгээний төв 2 нэгдэн Хөдөлмөр, халамжийн үйлчилгээний хэлтэс болон зохион байгуулагдаж үйл ажиллагаагаа явуулж ирсэн.

Хэлтсийн даргаар П.Оюунчимэг /2004-2007.03 сар/, үүрэг гүйцэтгэгчээр Н.Ууганбаяр /2007.04 сараас-2008 оны 3 сар/, Б.Бат-Эрдэнэ /2008 оны 03 сараас одоог хүртэл хэлтсийн даргаар ажиллаж байна.
Тус хөдөлмөр халамжийн үйлчилгээний хэлтэс нь хөдөлмөр эрхлэлтийг нэмэгдүүлэх, халамжийн үйлчилгээг иргэдэд хүргэн хөдөлмөр, халамжийн үйлчилгээний төрийн бодлогыг нутаг дэвсгэрийн хэмжээнд хэрэгжүүлэх үүрэг бүхий төрийн захиргааны байгууллага юм.

Тус хэлтэс нь анх хэлтсийн дарга, хөдөлмөр, халамж үйлчилгээний асуудал хариуцсан ахлах мэргэжилтэн 2, хөдөлмөр, халамж үйлчилгээ хариуцсан мэргэжилтэн 4, хөдөлмөр эрхлэлтийг дэмжих сангийн мэргэжилтэн, үйл ажиллагааны ня-бо, нийгмийн халамжийн сангийн мэргэжилтэн, үйлчилгээний ажилтан 6, нийт 15 орон тоотойгоор дэргэдээ сургалт арга зүйн танхим, ахмад настны сувилалтайгаар үйл ажиллагаагаа явуулж байсан.
2007 оны улсын төсвийн хуулиар сум хороодын хөдөлмөр халамжийн үйлчилгээний хэлтсийн нийгмийн ажилтны орон тоо батлагдаж 2007 оны 3-р сарын 28-ны өдрийн Засаг даргын захирамжаар тухайн дүүргийн 18 хороонд 18 нийгмийн ажилтан томилогдон ажиллаж байна.
Одоо хөдөлмөр халамжийн үйлчилгээний хэлтэс нь 40 орон тоотойгоор ажил үйлчилгээгээ явуулж байна.

Тус хэлтэс нь үндсэн үүргийнхээ дагуу ажиллах хүчний эрэлт нийлүүлэлтийг судлан тооцох, байгууллага аж ахуйн нэгжээс ажлын байрны захиалга авах, ажилгүйчүүдийг судалж бүртгэх, тэдэнд хөдөлмөр эрхлэхэд нь зуучлан туслах, ажил сургуульгүй хүмүүст хүсэл сонирхолд нь нийцсэн мэргэжил, ажлын дадлага, ур чадвар эзэмшүүлэх, хөдөлмөр эрхлэлт, ажиллах хүчний тухай мэдээ тайланг зохих журмын дагуу гаргах, ажилгүйдлийн даатгалын тэтгэмж олгох, ажилгүйчүүдэд мэргэжлийн зөвөлгөө өгөх, хөдөлмөрийн харилцааны асуудлаар хууль зүйн зөвлөгөө өгөх, нийгмийн халамжийн багц хуулийн дагуу тэтгэвэр, тэтгэмж тусламж олгох, хөнгөлөлт үзүүлэх, нийгмийн халамж зайлшгүй шаардлагатай иргэдийн бүртгэл судалгааг гаргуулан авч, хууль журамд нийцүүлэн хяналт шинжилгээ хийсний үндсэн дээр тэдэнд үзүүлэх халамж үйлчилгээний нэр төрөл, чиглэлийг тогтоож хэрэгжүүлэх зэрэг ажлуудыг зохион байгуулан ажиллахын зэрэгцээ хөдөлмөр эрхлэлт, нийгмийн халамжийн талаар төрөөс баримталж буй бодлогыг орон нутагт хэрэгжүүлэн олон нийтийн оролцоо дэмжлэгт тулгуурласан үйлчилгээ, арга хэмжээг иргэдэд хөнгөн шуурхай, чанар хүртээмжтэй хүргэх зорилт тавин ажиллаж байна.